Ien e begundoagen van Mien Westerkwartier wadden der bijeenkomsten woar elkeneen die wat moakt had, veur collega schrievers/vertellers, zien of heur verhoalen en liedjes uutpeberen kon. Nou joaren verder pakken we dit weer op. Op 30 juni organiseren we n Broddelwaark-oavend bij boer Datema ien Niekerk. Dit is dus n uutneudiging veur elk die wat moakt het en et uutperberen wil. t Huft nog niet kloar te weden, juust niet zeg mor, et woord broddelwaark zeit et al. Der binnen al n aantal minsen die toezeid hemmen dat ze kommen, woaronder Tonko Ufkes, Piet Buist en Willem Tjebbe Oostenbrink. Ok zal er op die oavend wat vertelt worden over de stand van zoaken rondom ons project “Westerkwartiers veur elkeneen” en de stand van zoaken rond onze vertelveurstelling “Tussen Lauwers en Reitdiep.” We begunnen om half acht. Partners binnen ok welkom. Het is gien veurstelling veur publiek as t komst moest ok wat doen. As je n verhoal vertellen willen of aans n bijdroage levern willen, groag! Geef dat dan even deur.
email: info@mienwesterkwartier.nl