Op zaterdag 15 en zondag 16 september wordt ien Ezing t Trijntje Soldaats Festival holden. De oldste optekende sprookjes van Nederland stoan een weekend lang ien de schienwaarpers.
Verteller Erik van Dort, ok bekend van 'IJe aans verteld' en 'LAAND-VER-HUUS' is e motor achter dit evenement.
Bekende vertellers as Eric Borias, Bastiaan de Zwitser en Fré Schreiber kommen optreden. Mor der is ok aandacht veur de kunst van de Ploeg en kienderverhoalen.

Bekiek hier info: www.vertellus.nl


Op 9-10-11 en 12 meert gaf Kom op Verhoal ien t Barontheater 4 veurstellingen LAAND-VER-HUUS. Dizze veurstelling, moakt soamen met het Barontheater en Bycicle Showband Crescendo, vertelde over de oaventuren van landverhuuzers noa de tweede wereldoorlog.
De verhoalen en de muziek van Crescendo vörmden een mooi geheel en lokte goeie reacties uut bij t pebliek.
De zoal zat elke keer mooi vol en noatieds werd er veul proat over de aaigen kennissen die ok zukse belevenissen metmoakt hadden.
Hiel specioal was t afsluutende persoonlijke biedroage van Syrier Issa Albadeen, die zien aaigen woargebeurde landverhuus verhoal vertelde.


Op 10 en 11 meert 2018 is de vertelveurstelling LAAND-VER-HUUS ien t Barontheater ien Opende. De veurstelling is moakt deur t team dat veureg joar ‘IJje aans verteld’ speulde veur pakweg 1000 bezoekers. Dizze keer goan de verhoalen over luu die noa de oorlog besloten om de toekomst ver van huus te zuken en het hiele spultje op te pakken en of te reizen noar Amerika of Canada. Jeen Baron uut Opende, oprichter en dirigent van Crescendo was één van de landverhuzers.
Zoaterdagoavend en zundagmiddag worden de veurstellings speuld.

Koarten bennen te reserveren op de site van Barontheater http://www.barontheater.nl/laand-ver-huus-op-10-en-11-maart-reserveer-snel/.
Wees er op tied bij. Het aantal stoelen is beperkt.
Het bestuur van de stichting ‘Mien Westerkwartier’ het de toaken vannijs verdeeld.Ria Horenga is vanòf 17 november 2017 de nije veurzitter en Rensina Dijkhuizen nemt de toak van secretoares op zich. Beiden moaken al een pooske deel uut van t bestuur. Eelke Solle blift de puutholler en Tonko Ufkes en Melle Hijlkema bennen algemeen bestuurslid.Geert Zijlstra is benoam bezig met de webstee en de Vannijs. Doarbij kin er steunen op Willy Bultje (webmaster) en Alie de Vries (toal redactie). Zo kin Mien Westerkwartier wel weer n tiedje veuruut!