Afdrukken

10 Joareg jubileum 'Mien Westerkwartier'

 
Dit joar is t al weer 10 joar leden dat ‘Stichting Mien Westerkwartier’ opricht is. Al 10 joar perberen we op allerlei menieren de toal van onze streek onder de aandacht te brengen bij het publiek ien Grunnen, en met succes! Om dat te vieren neudegen we jim uut om op vrijdag 17 november om 19.30 uur noar et Barontheater ien Opende te kommen. We kieken dan terug op wat west het en presenteren vanzulf veul muziek, gedichten en verhoalen. Ok wordt de oftrap geven van de schriefwedstried 't Schierste Verhoal' editie 2018. En der is nijs over n nije vertelveurstelling LAAND-VER-HUUS van vertelcollectief ‘Kom op Verhoal´ die op 10 meert 2018 in t Baron theater ien première gijt. Elkeneen die t Westerkwartiers een waarm hart toe dragt is van harte welkom! n Koart veur t jubileumfeest (incl 2 kovvie en koek)kost € 5.- en is te reserveren op Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.  
(foto 2007: vlnr. Omke Oudeman, notaris De Boer, Melle Hylkema en Geert Zijlstra)
Afdrukken

Priesuutlangen Pervinzioale Schriefwedstried 2017

Op vrijdagoavend 21 april wer ien e Stadsarchieven van Grunning t Priesuutlangen hollen van e 21ste Pervinzioale Schriefwedstried. Der was veul animo dit joar om met te doen: de goed honderd aanwezegen haren met n ander een mooie oogst aan eigen wark ien t Grunnegs ienstuurd: 46 gedichten veur e categerie 13+, en bij de groep 18+ moar liefst 83 gedichten en 43 verhoalen.
Uuteindelek kwammen  der de volgende winnoars uut: Alex Blok bij de jeugd, Trijnco Pelgrim bij de verhoalen 18+ en de eerste pries bij de gedichten 18+ wer diskeer wonnen deur n schriever die ook slim verbonden is met t Westerketier, noamelek Reinder Willem Hiemstra met t gedicht Boudel, een aangriepend poëtische verwarking van de ellende van de bevens ien e Grunneger eerde.
Afdrukken

Streektoalpries veur Erwin de Vries

Op zundag 9 meert werd de Streektoalpries van DvhN uutreikt. De veurstellen 'IJje aans verteld' was één van de nomineerden veur de pries, mor ze mossen het ofleggen tegen de concurrentie. Zanger Erwin de Vries werd de winnoar met de CD 'De Noodzoak'.Op de foto een deel van de vertellers die noar Veendam togen wadden om de uutslag òf te wachten. Uuteindelek kregen ze n mooie cheque met n bedragje as aanmoediging. Op 6 mei 2017, om 14:30 de eerste buutenveurstellen van 'IJje aans verteld'
op t Curringheveld ien Kornhorn.
Afdrukken

Veurstelling ‘ IJe aans verteld’ op de körte liest!

De Dagblad van het Noorden streektoalpries wordt dit jaar veur de twaalfde keer uutgereikt ien de categorieën literatuur en meziek. Uut beide rubrieken zette de jury (Eric van Oosterhout (voorzitter), Geesjen Heidema, Jannie Kuipers, Egbert Meyers en Tonko Ufkes) vief bijdroagen op de körte liest. Ien totoal wadden der vitteg ienzendings.Opvallend is dat alle literatuurnominoaties op de körte liest uut Drenthe kommen Grunnen tekent dan weer veur alle mezieknominoaties, woaronder ‘IJe aans verteld’ van stichting Vertellus, Mien Westerkwartier en vertelcollectief Kom op Verhoal. De pries wordt dit joar niet uutgereikt ien De Winshinghhof ien Roden, mor ien theater VanBeresteyn ien Veendam (zundag 9 april, 14.00 uur).
 

Westerketier ien beeld

T shirt bestellen