Noa de verhalenbundel Sloten tied (verschenen ien meert) komt Are Meijer met n opvolger: Nije plof. Ok dit keer geit et om komische, sums bizarre verhoalen die woar gebeurd bennen en goeddeels speulen ien t noordelijk Westerkwartier, met bestoande hoofdpersonen. Doarbij kommen herkenboare lokoatsies as 'Hotel Kuperus' (veurmoaleg Hotel Kuiper) en 'graasje Westerhof' (garage Oosterhof) aan bod en verschient zelfs de visklub van Lutjegast op et toneel. 

Wie meer wieten wil, moet moaken dat er op vrijdag 22 november om 20.00 uur ien dörpshuus t Schanshuus ien Nijziel is. Doar wordt et boekje presenteerd en t eerste eksemploar uutreikt. Bovendien wordt meer verteld over n biezundere priesvroag die aan dit boekje koppeld is. Te winnen valt onder meer n powerbank (trelefoonoploader) op zunne-energie.

Net as Sloten tied is de bundel Nije plof” uutgeven deur uutgeverij Vliedorp, Houwerziel.

Beide boekjes kosten 7,50 euro.

 

 
Op 28 oktober is t weer de Nacht van de Nacht. Duurzoam omgoan met onze wereld is belangriek en doarom besteden we op dizze dag doar tied en aandacht aan.
In Visvliet doen Dorpsbelang Visvliet en de Gemeente Zuudhörn dat deur een oavendwandeling te moaken. Drie vertellers Aafke Hoek, Henk Wierenga en Geert Zijlstra vertellen aan de deelnemmers verhoalen woar naacht, steerns, moan en de gevoaren van de duusternis een rol speulen. Vanf 20.00 uur ben je welkom ien e Hervormde Kerk van Visvliet.
Kiek ok op: http://www.nachtvandenacht.nl/activiteiten/lezing-en-verhalentocht-nachtelijk-visvliet/

Om 20:00 start ok een wandeling op t Curringheveld ien Kornhorn. Doar is Harke Winter joen verteller.
Kiek ok op http://www.nachtvandenacht.nl/activiteiten/nacht-nacht-wandeling-curringherveld/
 
Ien november verschient 'Zolt en Stof' de tweede dichtbundel van Willem Tjebbe Oostenbrink.
t Waark wordt uutgeven deur Uutgeverij Vliedorp Vierhuuzen.
De gedichten bennen vanzulf ien t Westerketiers en goan over mins-wezen ienbed ien e tied, het laandschap, n autorit as pladdegrond veur t geheugen, verwachting ien n oogwenk en verbeelding.



t Huus van de Grunneger Toal en Cultuur en de Rijks Universiteit ien Stad nuigt aale lu die belangstellen hemmen veur e Grunneger Toal om met te doen aan n Startbijeenkomst van de ontwikkeling van een Grunneger Woordenboek Nije Stijl. t Is van belang dat der zoveul meugelek minsken  kommen om met te doen, want elkneen krigt zien ienbreng – des te meer, des te beter.
 
Aalmoal van harte welkom op: ZOTTERDAG 20 MEI 2017  ien e lokoatsie: Het Kasteel, Melkweg 1, 9718 EP GRUNNING.
Jem kinnen  je aanmelden veur 13 mei op t adres: info@huisvandegroningercultuur.nl


Ien t digitoal poëzie magazine ‘Meander’ is een mooi artikel ploatst over de Westerkwartierder dichter Willem Tjebbe Oostenbrink. Der binnen ok n aantal gedichten opnommen ien t Westerkwartiers met n Hollandse vertoaling.Woaronder t gedicht 'Teken an e waand'.









Teken an e waand

Rogge en riepeltocht hemmen e ruumte opgeven, 
minsen hemmen heur haanden òftrokken 
van dit laand niet meer van melk en hunneg, 
van koeien toal noch teken vernommen.

Ien dizze onder de duum holden palternaksie 
gijt hier n doar n peerd deur verruugde velden 
met pitrussen as teken an de waand 
mor zunder grond veur paniek.

n Mins viendt ien zien streven tekens 
speult bij t leven met symbolen,

n kiend tekent met kriet op e stroatklinkers,
schrift woord veur woord zien toal, en zoekt

et hogerop as t kin veur t achterloaten 
van zien kras ien e muur van t leven.

Teken aan de wand
Koren en kleefkruid zijn verdwenen,
mensen hebben hun handen afgetrokken
van dit land, niet meer van melk en honing,
van koeien taal noch teken vernomen.

In deze onder de duim gehouden wildernis 
lopen paarden verloren door ruige velden
met pitrussen als teken aan de wand
maar zonder grond voor paniek.

Een mens vindt in zijn streven tekens,
speelt bij het leven met symbolen;

een kind tekent met krijt op de straatklinkers
schrijft woord voor woord zijn taal en zoekt het

hogerop als het kan voor ´t achterlaten
van zijn kras in de muur van het leven.
 
Meer lezen, kiek op www.meandermagazine.net of op willemtjebbeoostenbrink.blogspot.nl 
 
t Huis van de Groninger Cultuur en de Stichting t Grunneger Bouk neudegen joe uut om met te doen aan de eenentwintegste Provincioale Schriefwedstried. Der binnen twee categorieën: 12 t/m 17 joar proza/poëzie en 18 joar en older proza/poëzie.Regelement:Je magen maximoal 2 verhoalen of 4 gedichten ienzenden. Veur wel zowel verhoalen as gedichten iensturen wil, is t 1 verhoal en 3 gedichten. t Aantal woorden per verhoal is maximoal 1000 woorden.Ienzendings moeten schreven weden ien e Grunneger toal. Dat mag ien alle varianten: noord, oost, west, Stad. t Moet beslist origineel waark weden dat nog niet eerder publiceerd is. Der mag niks van n aander leend worden. Deelnimmers goan akkoord met t ploatsen van heur ienzonden waark ien n verzoamelbundel. Hierien worden de prieswinnende bijdroagen opnommen.Ienzendings kennen tot 15 feberwoarie 2017 digitoal stuurd worden noar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. t Verhoal of gedicht moet as Worddocument ien n apparte bijloage metstuurd worden.Vermeld ien de e-mail en ien e bijloage joe noam, adres, postcode en woonploats, telefoonnummer en leeftied. De priesuutreiking is op vrijdag 21 april 2017 ien de Grunnerger Archieven ien Stad.
Alle deelnimmers kriegen doarveur n uutnedeging.
 
Foto: Jan Glas

Subcategorieën

Ien elke Vannijs een stukje van Tonko Ufkes over de biezunderheden van t  Westerketiers.