t Huis van de Groninger Cultuur en de Stichting t Grunneger Bouk neudegen joe uut om met te doen aan de eenentwintegste Provincioale Schriefwedstried. Der binnen twee categorieën: 12 t/m 17 joar proza/poëzie en 18 joar en older proza/poëzie.Regelement:Je magen maximoal 2 verhoalen of 4 gedichten ienzenden. Veur wel zowel verhoalen as gedichten iensturen wil, is t 1 verhoal en 3 gedichten. t Aantal woorden per verhoal is maximoal 1000 woorden.Ienzendings moeten schreven weden ien e Grunneger toal. Dat mag ien alle varianten: noord, oost, west, Stad. t Moet beslist origineel waark weden dat nog niet eerder publiceerd is. Der mag niks van n aander leend worden. Deelnimmers goan akkoord met t ploatsen van heur ienzonden waark ien n verzoamelbundel. Hierien worden de prieswinnende bijdroagen opnommen.Ienzendings kennen tot 15 feberwoarie 2017 digitoal stuurd worden noar Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. t Verhoal of gedicht moet as Worddocument ien n apparte bijloage metstuurd worden.Vermeld ien de e-mail en ien e bijloage joe noam, adres, postcode en woonploats, telefoonnummer en leeftied. De priesuutreiking is op vrijdag 21 april 2017 ien de Grunnerger Archieven ien Stad.
Alle deelnimmers kriegen doarveur n uutnedeging.
 
Foto: Jan Glas



OPEN PODIUM
 
de koamer vulde hum met moagere bezoekers
ze schudden mekoars handen vulden gloazen lachten
luud deden heur tegoed aan wat er laag
hoogopstoapelde zinnen zinnestrelend fruit
 
as hadden ze ok ien joaren niet eten niet
dronken was dit heur allerleste
kaans ze likkeboarden lulden lalden
vergrepen heur aan mekoar ien n liederleke daans
 
de kreten van vertellers doolden rond
as animeermeiskes met deurlopen ogen
een dichter piste van e hoge
de gastheer sloeg de handen veur zien mond
 
de stroom viel uut en dat werd vierd met draank
hier werden woorden van heur toak ontheven
de flessen leeg de geest het lege leven
twee zielen vielen zingendeweg uut vensterbaank
 
Ien Cultureel Centrum Zuidhorn hebben viefteg minsen genoten van de feesteleke ofsluting van de Westerkwartierse Schriefwedstried. Hinke Dijkhuizen van der Kaap het met et verhoal  ‘De sleutel ‘de eerste pries wonnen, Are Meijer won met het gedicht ’Open Podium ok n eerste pries.Jongeren van de scholengemeenschap ‘De Woldborg’ ien Grootegast hadden een workshop gedichten schrieven volgt bij Adrie vd Veen en Annemarie Hommes. De gedichten van de leerlingen binnen bundelt en soamen met de gebrukeleke bundel met verhoalen en gedichten van alle deelnimmers uutreikt. 
Op 12 september j.l. is de eerste cd 'Strunen met dij' van Piet Buist & Geert zijlstra uutkommen 'Strunen met dij' is ok de titel van et nummer dat specioal opnommen is veur de Abel Tasman struuntocht. Op de cd stoan 7 nummers met o.a. de bekende verskes 'Loop moar deur' en 'Die van hiernoast'. De nije nummers binnen opnommen ien e studio van Folkert-Hans Tolsma ien Opende, die zelf ok metbloast op 'Strunen met dij en 'Bloaren'.
De cd kost € 6,- en is te bestellen via Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.  
 
Piet Buist en Geert Zijlstra hebben ien de studio
van Folkert -Hans Tolsma het nummer 'Strunen met dij' opnommen. De bassist Ivar Blomsma, drummer Ruud Noordhof en Folkert-Hans Tolsma op saxofoon en trompet hebben metwaarkt aan de opnoame. Tiedens de manifestatie 'Aarfoed op t aarf' op 30 agustus ien Tolbert wordt t eerste exemploar van de cd uutlaangd aan Piet Miedema veurzitter van de Struuntocht. Op 12 september is de cd veur t grote publiek te koop op het start/finisch terrein van de Struuntocht.

Subcategorieën

Ien elke Vannijs een stukje van Tonko Ufkes over de biezunderheden van t  Westerketiers.