Zotterdagoavond 21 september jl. hemmen de vertellers van ‘Kom op Verhoal’ een heule mooie veurstelling geven ien t Barontheater ien e Penne. De recaties noa òfloop van de veurstelling wadden hiel positief.
De aanleiding veur de veurstelling was, dat de gemeente Westerkwartier dit joar vief joar bestijt. Veur de vertellers was dat n goeie reden om een veurstelling te moaken met as startpunt et ‘Westerkwartiers openluchtmuseum’ .
Een gids leidde de bezoekers deur et openluchtmuseum van et Westerkwartier. Zeuven vertellers vertelden ien et museum over, et landschap van t Westerkwartier, de mentaliteit en de biezundere personen die ien t Westerkwartier geboren binnen. Tot slot werd er nog n blik ien e toekomst worpen; hoe zol ons Westerkwartier der over vief joar uut zien?
De Smaalruggen uut Griepskerk speulden ien e pauze en noa òfloop een poar mooie verskes. Woaronder t mooi nummer ‘Geef die del lutje podje’ wat vierstemmig zongen werd, prachteg! Ok dit viel bij et publiek ien e smoak.
De vertellers kieken met veul plezier en voldoening terug op dizze oavond, die onder regie stond van Henrike Westra.
Op 18 november is de veurstelling nog n keer te zien ien Zuudörn. En hopelek volgen der nog meer, want de groep wil best ien elk dörp van t Westerkwartier optreden.
Dus is er belangstelling veur of wil je meer informoatie, stuur een mailtje noar:
info@mienwesterkwartier.nl
