Wekeleks stijt ‘Ik Proat Plat’ met n verhoaltje ien t Westerkwartiers ien e Streekkrant. We willen groag n boekje uutgeven met die stukjes en doar wat oardegs aan toevoegen. Doarom een verzoek aan jim om ien ‘Meertmoand Streektoalmoand’ een ode te brengen aan jim favoriete plak van t Westerkwartier.
Moak een kört gedicht van maximoal 16 regels. Liefst ien t Westerkwartiers, mor lukt dat niet dan bieden we ‘Dichtsteun’ Luu met ervoaring ien dichten ien t Westerkwartiers helpen met de vörm en de vertoaling.
De vörm van t gedicht is vrij, mor we zollen et oardeg vienden om sonnetten, haiku’s of limericks te kriegen.
Groag iensturen veur 31 meert noar info@mienwesterkwartier.nl
De mooiste odes worden opnommen in t boekje ‘Ik Proat Plat’ en de rest viendt gegarandeerd een plakje op de website www.mienwesterkwartier.nl.
Ien de Vannijs ston alvast een sonnet, schreven deur cultuurwethouder Hielke Westra over zien favoriete plak.