Voaren deur t Visvlieterdiepke
zachtjes veuruut met de boot
de zun schient, de wiend rolt deur t reit hen
een reiger stijt stief bij de sloot
Voaren deur t Visvlieterdiepke
t wodder is woddervaarfblauw
een koe kikt verboasd wat doar aankomt
twee roeken zitten op n hek ien e rouw
Voaren deur t Visvlieterdiepke
t bootje deint zacht tussen t reit
een eend geft heur kukentjes wat zwemles
os hier mor gien reiger dan stijt
ref.
Zo wol ik wel aaltied mor deurvoaren
mor k wiet heus wel dat dat niet kin
rechtuut noar het end van de wereld
het moakt me niks uut woar ik ben
de zun zakt ien t Visvlieterdiepke
een wodderröt glidt uut de kaant
het is hier zo rusteg en vredeg
ik hol het geluk ien e haand
Voaren deur t Visvlieterdiepke
en Visvliet komt aal dichterbij
straks leggen we de boot aan de steiger
mor mörgen dan doen we t opnij