Moi wordt toch Moi! met n uutroepteken dizze keer. Ien e veurege Vannijs was t allemoal nog wat ondudelek en mosten de verkiezings nog kommen, mor ienmiddels liekt et wel dudelek. Mien partij, t CDA, dut niet met ien n nije coalitie en veur mij holdt dat ien dat ik waarschienlek niet terug kom as wetholder. En dat spiet me echt. Ik was groag nog vier joar deurgoan om, dat wat we ien e steigers zet hemmen ok tot uutvoering te brengen. Veural veur mien portefeuilles duurzoamheid/klimaat, kunst en cultuur spiet me dat.
Ik goa de column van de veurege keer niet overnij doen. Toen heb ik terug, mor veural ok veuruut keken. Ik heb met veul plezier en ienzet t goeie proberen te doen veur onze gemeente. Ok heb ik me met veul plezier ienzet veur onze streektoal en –geschiedenis. Een poar joar lang heb ik me ambassadeur voelt veur et Westerkwartiers en waarschienlek zal ik dat ok wel blieven mor dan vanuut n andere rol.
En as jim denken, die Hielke schrift al behoorlek goed Westerkwartiers, dat is mor schijn.
Drie joar lang gingen mien stukjes ien steenkolen Westerkwartiers richting Alie die ze dan as n roazende omzet het ien t ABW (Algemeen Beschoafd Westerkwartiers).
Alie; bedankt veur dien rode potlood en t bestuur van Mien Westerkwartier bedankt veur t podium woarop we soamen mooie dingen doan hemmen.
Moi!
Hielke Westra