We hemmen met Mien Westerkwartier weer n biezunder seizoen 2022/2023 achter de rug. ‘IJje aans verteld’ werd weer van stal hoald. ‘Op Struun’ ons nije boekje met streekverhoalen leit ien e winkel. Wekeleks een rubriek ien e Streekkrant en een deurstart van de podcasts, die moakt worden met het Ommelander Mediacollectief.. Toch hiele mooie succesen.
Mor sums zit et ok wel es wat tegen. Zo moeten we nog even wachten op e podcast over voetbalvereniging de Lauwers en hemmen we ok nog gien nije vertelveurstelling kloar.
Mor et borrelt overal en ien 2023/2024 kommen we vast weer met mooie nije dingen. Eerst mor eefkes de hangmat en de zun opzuken. Mor reken der mor op, we binnen zo weerom!