Op vrijdag 9 feberwoarie werd bij uutgeverij “Huus van de taol” ien Beilen de nije bundel “ Uutkomst” van dichter Willem Tjebbe Oostenbrink presenteerd. Uutkomst is de daarde bundel van dizze dichter (won tot twee keer toe de Duutse Borsla-pries veur Nedersaksische literatuur) met Grunneger poezie uut et Westerkwartier.
Zelf schrift er over de bundel: “ t Oog wil werkelekheid vastleggen, verbeeldeng schept en dans dermet’. Dat is de kern van dizze bundel. Hoe verholden we ons tot de natuur en mekoar, en wat dut de eindegheid van t bestoan met ons? We zoeken ien onszulf noar de kern, allinneg aan de oppervlakte kin-we stroalen.
Op 9 feberwoarie werd de bundel met 55 gedichten presenteerd ien t bijzijn van familie, collega dichters as Are Meijer, Melle Hijlkema en Tonko Ufkes. Tiedens de bijeenkomst werden diverse gedichten veurdroagen en werd zien dochter die de veurkant ontworpen het, interviewd.
t Eerste exemploar werd deur Willem Tjebbe overhandegd aan de veurzitter van Mien Westerkwartier die t gedicht “ Speuln” uut de nije bundel veurdroeg.
‘Uutkomst’ is onder andere te bestellen via de webstee van t Huus van de taol.
