Nou de zummer aanbroken is, hei-je t mooi aan tied om op e fiets te stappen en t Westerkwartier te ontdekken. Nim dan et boekje ‘Op Struun’ met as reisgids, dan lees je vast en zeker verhoalen over zoaken woar je nooit aan docht hemmen. Op 22 oktober werd tiedens de ‘Boek-Druk_Beurs’ ien de MuseumDrukkerij ien Grodegast et tweede boekje uut de serie ‘Ik Proat Plat’ prizzenteerd. Ruum 40 minsen wadden noar Grodegast kommen om dit met te moaken. Geert Zijlstra gaf et eerste exemploar aan e nije wetholder, Bé Schollema die dudelek aangaf liefde veur de streektoal te hemmen. Veur de gelegenheid hemmen Reinder Willem Hiemstra, Piet de Vries en Henk Wierenga et publiek vermoakt met et vertellen van streektoalverhoalen.
‘Op Struun’ bevat 53 körte verhoaltjes over biezundere plakjes ien (en vlak rond) et Westerkwartier. Verder stoan der dierengedichten van Reinder Willem Hiemstra en mooie (sums olle) foto’s ien.
t Boekje kost €15,- (ien e winkel) en is n mooi verjoardagskado…
Op Struun is te koop bij:
Drukkerij Hoekstra – Gruupskerk
Boekhandel Schoelier – Zuudhörn
Bruna – Leek
Boekhandel Daan Nijman – Roden
Bundelshop – Grodegast