Klompkes op Diepswal, 4 jonkjes met een hengelstok.
Lachend op Diepswal, n hoan kraait ien t piekehok.
En e zun blikkert over t wotter henne, hest gien zörgen bist nog moar tien.
Dien leven aan Diepswal, et leven van een kiend.
Klompen op Diepswal, 4 jongens stoan bij et hek.
Dörsteg aan Diepswal, t stroo ien huus, hooivurk op e nek.
En de oavendzun blikkert over t wotter henne, bist nooit moede, bist vieftien joar.
Dien leven aan Diepswal, veur t leven bist host kloar.
Op sokken op Diepswal, 4 jonge mannen drukken zich tegen de muur.
Schiemerduuster aan Diepswal, ze verschuulen zich ien e olde schuur.
En de moan blikkert over t wotter henne, kiek uut dien doppen, et is zuunekloar,
dien leven aan Diepswal, een jong leven vol gevoar
Steevels op Diepswal, 4 jonge kirrels, met handen ien e lucht
Zwaarte nacht aan Diepswal, verroad, gien tied meer veur de vlucht.
Troanen stromen deur t wotter henne, moeke, moeke wel is nou t baangst?
Dien leven aan Diepswal, vol van pien, zörg en angst.
Lopen op Diepswal, honderd mannen en vrauwen zwiegen, 8 uur, 4 mei.
Ieskold aan Diepswal, soamen moar ok allent en dat roakt dij
Tied en wiend slagt rimpels over t wotter henne, 2 minuut stil, trompet bloast t ende.
Het leven aan Diepswal, zoas ik het ken.
Loop mor deur, met dien kop ien e wiend, loop mor deur.
Loop mor deur, dizze wereld is dienent, loop mor deur
Loop deur, loop deur, kiek niet achterom,
want ver veur dij uut, lijt e horizon.
Dien nije schoenen en dien körte broek
n fleske wotter veur e dorst
De weg lijt kloar, huufst niet op zoek
Kom goa mor met ast durfst
Soamen onderweegens, de zun die schient
Soamen onderweegens, de wiede wereld ien!
Loop mor deur, met kop ien e wiend, loop mor deur.
Loop mor deur, dizze wereld is dienent, loop mor deur
Loop deur, loop deur, kiek niet achterom,
want ver veur dij uut lijt e horizon.
Al wiest nog niet woardast henne gijst
Al doen dien bienen zeer
Kom op, we goan der uut vannijs
Zo gijt t elke keer
Soamen onderweegens, de zun die schient
Soamen onderweegens, de wiede wereld ien!
Loop mor deur, met kop ien e wiend, loop mor deur.
Loop mor deur, dizze wereld is dienend, loop mor deur
Loop deur, loop deur, kiek niet achterom,
want ver veur dij uut lijt e horizon.
Dien kop weer leeg, dien hoaren lös
Dien wangen gloeiend glèn
Toe, pak dien jas, de hond ken met!
We wieten nog niet woarhenne.
Soamen onderweegens, de zun die schient
Soamen onderweegens, de wiede wereld ien!
Loop mor deur, met kop ien e wiend, loop mor deur.
Loop mor deur, dizze wereld is dienent, loop mor deur
Loop deur, loop deur, kiek niet achterom,
want ver veur dij uut lijt e horizon