–
21 september 2024
Tussen Lauwers en Reitdiep,
Doar lijt et mooie Westerkwartier. Nou al vief joar één gemeente. Met aan e ene kaant et oerolle coulisselandschap en aan e andere kaant de oldste polders en de wierden van Middag Humsterland. Hier wonen, warken en leven de minsen al eeuwen lang. t Landschap en de geschiedenis het ze vörmd.
Eigenheimers binnen et. Kort veur de kop. Heur motto? : We redden ons zelf wel en we zoeken et zelf wel uut. t Wadden vier en n halve gemeentes en t werd der één. t Westerkwartier. t
Was even wennen mor zo langzoamaan zien we ok wel veurdelen. t Vertelcollectief : “Kom op Verhoal” het n vertelveurstelling moakt over vief joar Westerkwartier. Van de middeleeuwen tot nou. Ripperda , Rudolf de Mepsche , Pier Nobach, allemoal kommen ze veurbij. Mor we kieken ok noar de toekomst.
Met muzikoale ondersteuning van de ‘Smaalruggen’ wordt et weer n echte Westerkwartierse veurstelling. Verhoalen en meziek uut t Westerkwartier ien t Westerkwartiers.
Op 21 september ien t Barontheater ien Opende.