Jim boekje “Mien dörp” het de landeleke televisie hoald en gijt op 6 december met noar Spanje. Onze kienderburgemeester Ilan den Haring het soamen met bakker Jager en kiender uut Griepskerk een hiele plank met poffert en t boekje “Mien dorp” aan Sunterkloas geven. En zo goan de verhoalen uut et Westerwartier deur t land en zelfs noar t butenland.
Ien oktober ston et Westerkwartiers op n andere menier “ienternationoal” ien e belangstelling. Dichter Willem Tjebbe Oostenbrink uut Zuudhörn kreeg veur de tweede keer de Duutse Borsla pries. De hoogste pries ien t Nedersaksisch toalgebied. Dit veur zien gedichtencyclus “Begrip te boven, veurbij verbeelding”. Biezunder dat er dizze pries veur de tweede keer kregen het. Een dikke felicitoatie is dan wel op zien plak.
En jim vroagen jim vanzulf of, wat het de wetholder de leste tied zelf nog doan met onze toal? Nou ik er zo over denk, ik heb te min twittert ien t Westerkwartiers en dat sol wel. Mor ik heb wel kennes moakt met Olaf Vos, coördinator bij t ‘Centrum veur Grunneger Toal en Cultuur. En we hemmen ofproat dat we n volgende keer met Stichting Mien Westerkwartier om toavel willen om te bekieken of we onze toal wat verder brengen kinnen ien t onderwies. Jim bestuur kin dus n uutneudeging verwachten.
Hielke Westra
Van de wetholder: Beste Westerkwartierders
