De tied gijt snel. t Joar is host om net as onze eerst coalitieperiode. Veur da- jim t wieten magen jim weer noar t stemhokje om n vakje rood te kleuren. Zo vlak veur de kerstdoagen aan is t ok weer tied om terug te kieken, mor veural ook veuruut te kieken.
t Was n biezunder joar veur elkeneen. Heul veul dingen konden niet deur goan. Gelukkeg heb ik de veurstelling over 75 joar vrijheid zien. Iendrukwekkend, mooi van opbouw en n mooi vol theater. Jim ollejoars veurstelling kin jammer genog niet deur goan. Ik was wel benijd hoe Thomasvaer en Pieternel tegen de gemeente aankieken. Of mag ik meschien van geluk spreken dat t niet deur gijt??
Nog even en t is weer jannewoarie. Dan kommen de doagen dat et weer langer licht wordt en we weer nije plannen moaken kinnen veur de kommende joaren.
Tied.
Lest werd ik er op attendeerd dat er één is die klokken moakt met de tiedsaanduding ien t dialect. Ok ien t Grunnegs/Westerkwartiers. Ik vien et n mooi idee mor kin er op t moment niks met. Mor as één van jim een goed idee het woar we zo’n klok op hangen kinnen, zodat elk der zicht het, dan wil ik wel es kieken of we t geld doarveur bij elkoar sprokkeln kinnen.
t Liekt mij wel n mooi kado veur 2022.
Veur nou wens ik jim allemoal een poar mooie rustege weken toe. Goeie feestdoagen en alvast een heul best 2022.
Hielke Westra