Eerste CD (2009) van e band die formeerd is rondom Gert Sennema uut Griepskerk. Op de CD 15 nummers van e haand van Gert, met tekstbiedroagen van Melle Hylkema en Reinder Hiemstra.
De band bestijt uut:
Gert Sennema (tekst, zang & gitaar)
Vera Sutman (zang)
Roelf Postma (slagwerk, percussie en piano)
Jan Ruiter (bas)
Emiel Driesten (dobro, banjo en mondharmonica).
Gastspeulers Jan Kuiper, Sjouktje Oosterhof, Arjan van den Boom en Gospelkoor Hosiana uut Moarum.
Op de CD de volgende nummers
Doe
t Enne
Mien haart
Loat mij lös
Zunder zunde
Hilang di tanah
Lest oordeel
t Is zo aans
BX
Miljenair
Home
Reis
Trein
Brug
Noar huus
De meeste nummers binnen schreven ien n melancholische, Amerikoanse stijl. De gereformeerde achtergrond van Gert Sennema is dudelek te heuren ien nummers as ‘Zunder zunde’ en ‘t Leste oordeel’, hij bezingt doar op n min of meer satirische menier de ‘dingen des levens’. Verder stoan der een poar nummers op die schreven binnen veur de SWET veurstellings ien Nuus en Zuudhörn ‘Hilang di tanah’ en ‘De brug”.
‘Hilang di tanah’(verdronken ien et laand) is n tekst van Melle Hijlkema en Reinder W. Hiemstra en wordt zongen deur Vera Sutman en t Moluks gospelkoor Hosiana uut Moarum.
t Lied oademt een sfeer uut van wenst en berusting met prachtig percussie-waark van Roelf Postma. ‘De Brug’ wordt zongen deur Vera Sutman.
Ien t nummer ‘Trein’ speult Emiel Driesten op n geweldege menier op zien mondharmonica hij loat de trein komen en goan van Griepskerk noar Stad.
Onder alle nummers heur je de basgitaar van Jan Ruiter, rusteg en bedoard, elk nummer die donkere klank metgeven. Kopen!